Poems

Ndaani' batanaya'

Ndaani' batanaya'
cayó huadxí ri':
mani' té bilaa runi ma' bio'xho',
mani' guude, mani' biidi'.

Nexhe' ti neza lase'
deche dani rihuinni rarica',
lubí chonna bayu' quichi'
ruluí' zeca', zeca'
cuzabinaca' luá'.
Nugaanda guendaribana'
xquixhe ndaani' ladxiduá',
ne guendananala'dxi'
cutuxhu lugu' xquiiba'.

Rietetí layú rarí',
layú guichi, layú guie.
Guxhu' ne za rihuinni,
za, gu'xhu' ne guendananá.

Neza lase' ziyeeque'
deche dani rica',
neza lase' riné ra lídxilu'.
Za yu'la' biaa guibá' ca la?
zándaca cayuuyu' ní,
zándaca cayuuyu' ní,
cadi bia' za ca nga xquendaranaxhiee',
cadi bia' za ca.

Share this poem

view comments

Comments (0)

No comments yet - be the first:

Leave a comment