Bibaneniá' lalu'
Bibaneniá' lalu' naga' ndaani' yanne'.
Pa niní' ca naya' ni gunié'xcaanda'
ñuuyapiá' nusabalú diuxi.
Bandaa cayuni xhiiña' lu gueela'
sica ti gubaana' biziidichaahui'.
Ne lu bi za'bi' guendaruyadxí bana' xtinne'
naaze nanda guidiruaa.
Gasti' nou' qui runebia'ya' ndaani' yoo ra nuaa'
ne zacá ladxiduá' cayacaditi
sica ti xcuidi guladxi bi'cu'.
Rahuayaa bicuininá' xquendabiaane'
ti guibani chaahui'.
Laga ti gayuaa bigose buubu
ziyásanene lu layú ladxiduá'.
Ze'gu' lu beeu huaxhinni.
Naaze guppa larigueela' yaase' xtí' guibá'.
Pa ñanna' caniéxcaanda' qui nundaa' ca nalu',
pa ñanna' zabane' niguiidxedxiiche' lii ti que ñelu'.
Rigui'ba' ti yuuba' ra yanne'
ne ricaa runi xtí' ladxiduá'.
Paraa nda' nuu ca luyaande sicarú lu' ya',
paraa nda' ca guidiruaalu'.
Biaanaru' xiixa xtinne'
ndaani' ladxidó'lo' la?
Huandí' nga ma' biaanda' lii
ni gúcanu la?
Bibaneneá' lalu' naga' ndaani' yanne'.