Konde Palmanhã Manchê
Ó Konde
Ó Konde palmanhã manchê
Konde note ftcha ftchode
E palmanhã manchê
C’pê plantode na tchon
E terra na coraçon
Konde sangue rasgâ na corpe
Arve de broçe aberte
E smente gritâ na rotcha
Tambor de boca verde
E daquel som
Ma quell sangue soldode
Nascê boca
boca centrodeboca rasgodeNa roda de sol
Ó Konde palmanhã manchê
Sem dsuspère pundrode
Na bandêra de porta
Sem lanterna cindide
Na robe de burre
Pa naufroge de navi
Sem navi quebrode
Na boca de pove
E mar bem olte! brobe!
dsusperodeBen quebrâ na Praia Grande
Sês broçe gorde de pecode
E mar bem
Na se luxe
E na se grandèza!
Se mostre
De mar erguide na pêto
Se mapa bronque
Desenhode n’alma
Bem bidê na colónia dnha boca
Tod’aquel negoce dnha sangue ultramarine
Ó Konde palmanhã manchê
E Criste bem dsê morada
El bem ta bem
Pa broçe direita de Monte Cara
C’se cobe d’enxada
Ma se calçon drill
C’se pê na tchon
Ma se dede quebrode
Bem sentâ
Na pedra radonde dnôs fogon
Sem tchuva na mon
Sem fraqueza na sangue
E sem corve na coraçon
Ó Konde
Ó Konde palmanhã manchê