Poems

Carta de bia d’ideal

              19 deste mês
              a barlavento das almas que sabiam

Junzin! até na boca de Soncente
Bô nome agora ê Vário ô T. Thio Thiofe
                  E Corsa de David dzê
C’ma bô ê um negro negro greco-latino
                  Ma! dvera dvera

As ondas
            já trepam
                 os degraus do teu poema
E quebram no violão da ilha
Tectos d’Europa
                        sob as nossas cabeças

Junzin! há muito
Que não bebes a água
                    Da Nossa secura
Dvera dvera
Há one driba d’one
                            ma cinq’one e um dia

Que pedra ê regode pa sponja dnos coraçon
C’ma spiga de sangue na dor dum concha de lête
Oh dor de cara contente
                            dor calode
                            dor sentode
                            dor lançado —
                                                  ma dor!


C’ma dor de som na viola
C’ma dor de s’mente na tchon
C’ma dor de vulcon na coraçon —
                                                  ma hoje!


‘M ca ta dzê
             merci
             thank you
                           danke schön
                                       Paquê!

Konde Djosa
              saí porta fora
                     c’se caxa d’engraxâ

Tanha morrê na bandera de porta
C’se fome de maçã travessode na boca

Oh pove de Rua de Craca
Alimentode
          nesse cold d’pêxe de 16 toston
Boçes bem ovi
             viola de Patada
                                       ma
                                       violão d’Antonzin
Ta rasgâ na sangue de Tanha
             Um silêncio de tantas portas
Boçes bem oiâ

             mostre de navi         
                                 ma
                                 vela de navi
Rasgode
           quebrode
                        na oi de Tanha
                        Paquê! Konde Djosa

Abri na morada
            camim de sol aberte

Tanha plantâ na vente
             Se boca de maçâ mordide


Junzin! ‘m tem três cosa
             marrode n’alma
Três rios para nunca mais
             um scrite na mon
             dôs scrite na boca
             três scrite na sangue

ê sol ta quebrâ na rotcha
             se fome de gema d’ove
ê vente ta mordê na pedra
             se grite de farinha bronque
ê pove ma dede de pove
             ta screvê na tchon sentence de mon compride
E long time ago
             Notcha
                          já dizia
Ao contrário de Saint-John Perse
                         Que nem sempre
“O remo rebenta na mâo do remador”

Mantenha da Bibia
                              Bena
                                   Garda
                                         Vavaia

E tod’esse pove de Rua de Crava

                          Everybody

Share this poem

view comments

Comments (0)

No comments yet - be the first:

Leave a comment