Poems

Xhoopa' diidxa' ruí' xiinga guendaranaxhii

               I

Guendaranaxhii
zeedayaca casi ti xiixa nanaa
ni qui zanda guá' binni xadxí
ne qui quiba' dí ra yanni.

               II

Guendaranaxhii
zeedayaca casi ti lúdxibele ruaa gui'ri',
casi gubidxa rihuinni guibá',
zadu'yanu ziyuí', málasi guibani,
zadu'yanu zié ne zeeda.

               III

Guendaranaxhii
dxiña yaga nga laa,
niidxi zee guladi' telayú,
niidxi zee ruxooñe'
lade le' xtí' ti gunaa.

                IV

Guie' du'ga' nga guendaranaxhii,
xquenda guchachi', ná' ti bidó'.
Zánnanu cusiabirí ladxido'no
ne qui zadu'yadi'nu laa.

                V

Guendaranaxhii
rie ne reeda casi huaxhinni.
Ni rie, riné ti ndaa ladxido'no,
ni reeda, reedacaa xtindaa
lu ni biaana.

                  VI

Guendaranaxhii
qui gapa xiladxi'
casi guendahuará,
qui gapa guendabiaani'
casi guendaguti.

Share this poem