Poems

Qui zunihuarálu' naa

Qui zunihuarálu' naa.
Qui zaguza diou' xquendanabane'.
Naro'ba' yu'du' biaani' bisananelu' naa,
nanaadxi' ne nayeche'.

Xadxípe' bisindá'naxhilu' bi stinne',
xadxípe' guleezalu' naa lade ca za
ne xidxaa guidiládilu'.
 
Racaditi ru' ca naya' guietenala'dxica'
beelaxiaa dxitaxa'nalu'.
Ricaala'dxiru' guidiruaa'
runi guiropa' rii dxiñabizu xi'dxu'.

Paraa chiguniná guendarietenala'dxi' naa ya'.
Paraa, neca zelu', gácananaladxe' lii ya'.
Ti nisadó' benda riaquibiaani' bisananelu' naa,
ti nisadó' benda caguite yeche'.

Share this poem