Poems

Biete bi

Biete bi.
Lu neza gui'chi' ne bacuela
nanda saaca' ne xiana.
Ruguubeedxe' ca yoo, ridopa cuuxhu' bi'cu'.
Daabi ti xiixa
bicuininá' huadxí ri',
ti guichi guluxu,
ti guiiba' tini.

Nuu tu laa
gudu'ba' xhaata' gueza guibá',
bisaana ni naté, nagu'xhu'.
Xaguete' ri' guiruti'
nibeezá xpandá',
guirá' zeguyoo ra lidxi
cugaba' xquenda zí'.

Caxidxi zinña,
laaca tuuxa biaanatá'
gudxite xcunaa laa.
Yanadxí guirá'
bietenala'dxi' ladeñee,
málasi gunna binni
nabani guendaruseegu' ra lidxi.

Tu laa nanna
xiñee cazaaca' huadxí ri',
xiñee nisi nuaa'
gudxiga' yaana' xii
bixé' cundubi rarí'.

Cuxidxi ca yaga,
riaba riásaca'
cuxidxica' naa
runi biaanata'ya'.

Latané naa nagasi
guirá' manihuiini' ruunda'
guidxélatu lu yaga,
ti gabe' laatu
pa naye'que' guichalaga binidxaba'.

Share this poem