Yuyayniymi kutirqamun.

Tiqsimuyum iquchasqa kachkan.

Manchakuy rimaymi intuchkan.

 

Cemento qisayuq,

plasticota uywaspa,

chaqwata saksaspam upayarquni.

 

Qunqasqayña muyaytam musqurquni

asnayninkunam ripunqaña

Puquy pacham miski waspikunata pukuchkan.

 

Yuyayninmi kutichichkan runata

musquy ñanninta maman pachaman.

Manchakuymi qarqurqa, manchakuy kutichichkan.

 

Kayqaya chayamuni, purun wawqiy sacha asnawan,

purun paniy miski qurakuna,

ruruq chakrakuna, takiq mayukuna sumaqyachiwan.

 

Pachamaymi qantu chakranpi,

ruruchisqan papata huñuspan,

kuyay quni tullpanpi yanupuwan,

Uchutam kutan, miski yuyukunata yuyayniy kutinanpaq.

 

Qantu chakra, intipa muyan

Qayapaway mamay

kutikamuy runa kayniy

kay pachapim kawsay suyasunki.